Xa nos tardaba que
chegase decembro. Este mes adicámolo a xogos de cordas e gomas. Moitos de nós xa coñecíamos algún destes
xogos, pero descubrimos outros moitos que nos ensinaron os nosos compañeiros/as
e tamén as profes. Resulta que elas de pequenas tamén xogaban á corda e coa
goma coma nós. Aprendemos que todas estas actividades nos permiten divertirnos
a todos os nenos/as, sen importar outra cousa que pasalo ben. Tamén serven para
que non haxa ningún neno xogando so ou sen saber que facer na hora do recreo, e
o que é máis importante, facemos exercicio físico dunha forma dinámica e organizada.
Non cabe dúbida que a
realización destas actividades está a beneficiar ao alumnado do noso centro,
razón pola cal, para ir un paso máis aló, decidimos organizar ao alumnado de
3º, 4º, 5º e 6º da Educación Primaria para que colaborase na organización dos
patios activos no patio de Educación Infantil. Conseguindo desta forma que se
fagan máis autónomos e responsables, sendo os encargados de coller e recoller
todo o material, e xunto coas mestras vixiantes do recreo, colaborar na
explicación do funcionamento dos xogos e controlar que se realizan
adecuadamente.
Seguimos informando en
próximas entradas.
Un saudiño amigos e amigas.
Comentarios
Publicar un comentario